തിരുവനന്തപുരം : കൊവിഡിൻ്റെ പശ്ചാത്തലത്തിൽ നീണ്ട 19 മാസങ്ങൾ അടച്ചിട്ടിരുന്ന സംസ്ഥാനത്തെ തിയേറ്ററുകൾ തുറന്നു. കൊവിഡ് മാനദണ്ഡങ്ങൾ പാലിച്ചാണ് കാണികൾക്ക് പ്രവേശനം അനുവദിച്ചിരിക്കുന്നത്. ജയിംസ് ബോണ്ട് ചിത്രം നോ ടൈം ടു ഡൈ, വെനം 2 എന്നിവയാണ് പ്രദർശനത്തിനെത്തിയ ആദ്യ ചിത്രങ്ങൾ.
അതേസമയം രണ്ട് ഡോസ് വാക്‌സിൻ എടുത്തവർക്ക് മാത്രം പ്രവേശനം അനുവദിക്കുന്നത് പ്രായോഗികമല്ലെന്ന് തിയേറ്റർ ഉടമകൾ ചൂണ്ടിക്കാട്ടുന്നു. ഒരു ഡോസ് വാക്‌സിൻ എടുത്തവർക്കും തിയേറ്ററിൽ പ്രവേശനം അനുവദിക്കണമെന്ന് ഉടമകളുടെ സംഘടന സർക്കാരിനോട് ആവശ്യപ്പെട്ടിട്ടുണ്ട്. പ്രേക്ഷകരുടെ ഭാഗത്ത് നിന്ന് മികച്ച പ്രതികരണമാണ് ലഭിക്കുന്നതെന്ന് തിയേറ്റർ ജീവനക്കാരും ഉടമകളും പറയുന്നു.
നോ ടൈം റ്റു ഡൈ,വെനം 2 എന്നിവയില്‍ തുടക്കം ; രണ്ടുഡോസുകാര്‍ മാത്രം പ്രായോഗികമല്ലെന്ന് ഉടമകൾ