മുതിർന്ന മാധ്യമ പ്രവർത്തകൻ ഇ. സോമനാഥ് അന്തരിച്ചു

മസ്‌തിഷ്‌കാഘാതത്തെ തുടർന്നായിരുന്നു അന്ത്യം. 58 വയസായിരുന്നു.

തിരുവനന്തപുരം:മുതിർന്ന മാധ്യമപ്രവർത്തകൻ ഇ. സോമനാഥ് (58) അന്തരിച്ചു. മസ്‌തിഷ്‌കാഘാതത്തെ തുടർന്ന് തിരുവനന്തപുരം അനന്തപുരി ആശുപത്രിയിലായിരുന്നു അന്ത്യം. സംസ്‌കാരം വൈകിട്ട് തൈക്കാട് ശാന്തികവാടത്തിൽ നടക്കും.

മലയാള മനോരമയിൽ സീനിയർ സ്പെഷ്യൽ കറസ്പോണ്ടൻ്റ് ആയിരുന്ന ഇ. സോമനാഥ് കഴിഞ്ഞ ഡിസംബറിലാണ് വിരമിച്ചത്. അദ്ദേഹത്തിൻ്റെ ആഴ്‌ചക്കുറിപ്പുകൾ എന്ന പ്രതിവാര കോളവും നിയമസഭാ അവലോകനമായ നടുത്തളം എന്ന പംക്തിയും ഏറെ ശ്രദ്ധേയമായിരുന്നു.