തിരുവനന്തപുരം : സംസ്ഥാനത്തെ കോളജുകളില്‍ മുഴുവന്‍ ക്ലാസുകളും തുടങ്ങുന്ന കാര്യത്തില്‍ തീരുമാനമായില്ലെന്ന് ഉന്നത വിദ്യാഭ്യാസ മന്ത്രി ആര്‍. ബിന്ദു. അവസാന വര്‍ഷ വിദ്യാര്‍ഥികള്‍ക്ക് ക്ലാസുകള്‍ ആരംഭിച്ച ശേഷം മറ്റു ക്ലാസുകളുടെ കാര്യം പരിശോധിക്കുമെന്നും വാര്‍ത്ത സമ്മേളനത്തില്‍ മന്ത്രി പറഞ്ഞു.
കോളജ് തുറക്കുന്നതിന് മുന്നോടിയായി വിദ്യാര്‍ഥികള്‍ക്ക് വാക്‌സിൻ കൃത്യമായി നല്‍കും. അതിനായി ആരോഗ്യ വകുപ്പുമായി ചേര്‍ന്ന് വാക്‌സിനേഷന്‍ ഡ്രൈവ് നടത്തുമെന്നും ആര്‍. ബിന്ദു വ്യക്തമാക്കി.
കോളജുകളില്‍ ആദ്യം ആരംഭിക്കുക അവസാനവർഷ ക്ലാസുകൾ, മറ്റ്‌ ക്ലാസുകൾ പരിഗണനയിൽ; ആര്‍ ബിന്ദു