തിരുവനന്തപുരം: ചിട്ടയായ കഠിനാധ്വാനത്തിൻ്റെ ഫലമാണ് തൻ്റെ നേട്ടമെന്ന് കെഎഎസ് ഒന്നാം സ്ട്രീമിലെ രണ്ടാം റാങ്കുകാരി നന്ദന എസ് പിള്ള. റാങ്ക് പ്രതീക്ഷിച്ചിരുന്നില്ലെന്നും പട്ടികയിൽ പേര് ഉണ്ടാകണമെന്നാണ് ആഗ്രഹിച്ചിരുന്നതെന്നും നന്ദന പറഞ്ഞു.
നാലുവട്ടം സിവിൽ സർവീസ് എഴുതിയ നന്ദനയ്ക്ക് ഇത് സ്വപ്‌ന സാക്ഷാത്‌ക്കാരമാണ്. ഇനിയും അവസരങ്ങൾ ഉണ്ടെങ്കിലും സിവിൽ സർവീസ് പരീക്ഷ എഴുതുമെന്ന് ഉറപ്പിച്ചിട്ടില്ല. സിവിൽ സെർവൻ്റ് ആകണമെന്ന് ആഗ്രഹിച്ചിരുന്നുവെന്നും അതിന് ഐഎഎസ് പട്ടം വേണമെന്നില്ലെന്നും നന്ദന പറയുന്നു. അതേസമയം സിവിൽ സർവീസ് രാജ്യത്തെ ഏറ്റവും ജനാധിപത്യപരമായ പരീക്ഷയാണെന്നും വലിപ്പച്ചെറുപ്പമില്ലാതെ ആർക്കും സ്വന്തമാക്കാൻ കഴിയുമെന്നും നന്ദന പറഞ്ഞു.
ചിട്ടയായ കഠിനാധ്വാനമാണ് വിജയത്തിന് പിന്നിൽ; കെ എ എസ് ഒന്നാം സ്ട്രീമിലെ രണ്ടാം റാങ്കുകാരി