തിരുവനന്തപുരം: എട്ട് ബസ് സ്റ്റാൻഡുകളില്‍ പെട്രോള്‍ ഡീസല്‍ പമ്പുകള്‍ ആരംഭിക്കാൻ കെഎസ്ആര്‍ടിസിക്ക് ഡീലര്‍ഷിപ്പ് ലഭിച്ചു. കെഎസ്ആര്‍ടിസിയും ഇന്ത്യന്‍ ഓയില്‍ കോര്‍പറേഷനും സംയുക്തമായി ആരംഭിക്കുന്ന 67 പെട്രോള്‍, ഡീസല്‍ റീടെയില്‍ ഔട്ട്‌ലെറ്റുകളുടെ പ്രാരംഭ നടപടികള്‍ പൂര്‍ത്തീകരിച്ച് വരികയാണ്.
ഇതില്‍ ആദ്യ ഘട്ടത്തില്‍ ചിങ്ങം 1 ന് പ്രവര്‍ത്തനം ആരംഭിക്കുന്ന മാവേലിക്കര, ചടയമംഗലം, കോഴിക്കോട്, പെരിന്തല്‍മണ്ണ, തൃശൂര്‍, മൂവാറ്റുപുഴ, ചാലക്കുടി, കിളിമാനൂര്‍ എന്നിവടങ്ങളിലെ ഔട്ട്‌ലെറ്റുകളുടെ ഡീലര്‍ഷിപ്പ് സര്‍ട്ടിഫിക്കറ്റാണ് ലഭിച്ചത്.