തിരുവനന്തപുരം: പൂജപ്പുര സെൻട്രൽ ജയിലിലെ തടവുകാരന് കേൾക്കേണ്ടത് സൂപ്പർ താരം ജയൻ അഭിനയിച്ച ഹിറ്റ് ഗാനം 'കണ്ണും കണ്ണും തമ്മിൽ തമ്മിൽ'. ആവശ്യം എത്തിയത് ജഡ്‌ജിയുടെ മുന്നിൽ. ന്യായമായ ആവശ്യം നിവർത്തിച്ചു നൽകാൻ ഉത്തരവുമെത്തി. ജയിലധികൃതർ പാട്ട് കേൾപ്പിച്ചെങ്കിലും അപ്പോഴേക്കും തടവുകാരൻ ജയിൽ വിട്ടു പോയിരുന്നു.
പരാതിപ്പെട്ടിയിലെത്തിയ കുറിപ്പ്
പൂജപ്പുര സെൻട്രൽ ജയിലില്‍ പ്രക്ഷേപണം ചെയ്യുന്ന ഫ്രീഡം സിംഫണി റേഡിയോയിലേക്ക് പ്രിയ ഗാനം ആവശ്യപ്പെട്ട് തടവുകാരൻ എഴുതിയ കത്ത് കിട്ടിയത് ജയിലിൻ്റെ ചുമതലയുള്ള ജില്ല ജഡ്‌ജിക്കായിരുന്നു. പാട്ട് ആവശ്യപ്പെട്ട് കുറിപ്പ് ഇടേണ്ട പെട്ടി മാറിപ്പോയതാണ് സംഭവം. അബദ്ധത്തിൽ ഇയാൾ കുറിപ്പ് എഴുതിയിട്ടത് തടവുകാരിൽ നിന്ന് ജില്ല ജഡ്‌ജി നേരിട്ട് പരാതി ശേഖരിക്കുന്ന പെട്ടിയിലാണ്.