തിരുവനന്തപുരം: കുട്ടികളുടെ രാജ്യാന്തര ചലച്ചിത്രമേളയിൽ ചിരിയുടെ പൂരം തീര്‍ത്ത് നടൻ സുരാജ് വെഞ്ഞാറമൂട്. പ്രിയ താരം ഒപ്പം ചേർന്നപ്പോൾ കുട്ടി ഡെലിഗേറ്റുകൾ ആവേശത്തിമിര്‍പ്പിലായി. തന്‍റെ സിനിമ, സ്റ്റേജ് അനുഭവങ്ങള്‍ സുരാജ് കുട്ടികളുമായി പങ്കുവച്ചു. കുട്ടികളുടെ ചോദ്യങ്ങള്‍ക്കെല്ലാം കളിയും കാര്യവും ചേർന്ന ഉത്തരങ്ങള്‍ നല്‍കിയും സെല്‍ഫി എടുത്തും സുരാജ് മേളയില്‍ താരമായി. ജഗതി ശ്രീകുമാറിന്‍റെയും മോഹന്‍ലാലിന്‍റെയും തിലകന്‍റെയും ശബ്ദങ്ങള്‍ അനുകരിച്ച് സുരാജ് സദസിനെ കയ്യിലെടുത്തു.
ചലച്ചിത്രമേളയില്‍ ചിരിപ്പൂരം തീര്‍ത്ത് സുരാജ്