തിരുവനന്തപുരം :പരിസ്ഥിതി ലോലമേഖല വിഷയത്തിൽ സ്വീകരിക്കേണ്ട തുടര്‍ നടപടികള്‍ ചര്‍ച്ച ചെയ്യാന്‍ മുഖ്യമന്ത്രി പിണറായി വിജയന്‍റെ അധ്യക്ഷതയിൽ ഇന്ന് (30-6-2022) വൈകിട്ട് നാലിന് ഓൺലൈനായി യോഗം ചേരും. ബഫര്‍സോണ്‍ വിഷയത്തില്‍ സുപ്രീം കോടതി ഉത്തരവ് വന്ന് ഒരുമാസം പൂര്‍ത്തിയാകാനിരിക്കെയാണ് വിഷയം ചര്‍ച്ച ചെയ്യാന്‍ മുഖ്യമന്ത്രി യോഗം വിളിച്ചത്.
യോഗത്തിൽ മന്ത്രി എ.കെ ശശീന്ദ്രൻ, ചീഫ് സെക്രട്ടറി, വനം സെക്രട്ടറി, വനം മേധാവി, അഡ്വക്കറ്റ് ജനറൽ തുടങ്ങിയവർ പങ്കെടുക്കും. ഉത്തരവ് നടപ്പായാല്‍ കേരളത്തിലുണ്ടായേക്കാവുന്ന പ്രതിസന്ധി മനസിലാക്കാൻ ഇതിനോടകം തുടങ്ങിയ സര്‍വേയുടെ പുരോഗതിയും യോഗം വിലയിരുത്തും.