തിരുവനന്തപുരം: അന്തിമ സ്ഥാനാർഥി പട്ടികയ്ക്ക് രൂപം നൽകി സിപിഎം സംസ്ഥാന സെക്രട്ടേറിയറ്റ്. രണ്ടു തവണ തുടര്‍ച്ചയായി മത്സരിച്ചവരില്‍ ആര്‍ക്കും ഇളവില്ല. പ്രാദേശിക എതിര്‍പ്പിനെ തുടര്‍ന്ന് തരൂരില്‍ മന്ത്രി എകെ ബാലന്‍റെ ഭാര്യ പികെ ജമീലയെ ഒഴിവാക്കി. ഇരിങ്ങാലക്കുടയില്‍ എല്‍ഡിഎഫ് കണ്‍വീനറും സിപിഎം സംസ്ഥാന ആക്ടിങ് സെക്രട്ടറിയുമായ എ വിജയരാഘവന്‍റെ ഭാര്യയും തൃശൂര്‍ കേരള വര്‍മ്മ കോളേജിലെ വൈസ് പ്രിന്‍സിപ്പളുമായ ഡോ ആര്‍ ബിന്ദു തന്നെ സ്ഥാനാര്‍ത്ഥിയാകും. ഇരിങ്ങാലക്കുടയില്‍ സിറ്റിങ് എംഎല്‍എയും കഴിഞ്ഞ തവണ ആദ്യമായി സ്ഥാനാർഥിയായ കെയു അരുണനെ ഒഴിവാക്കിയാണ് ബിന്ദുവിന് സീറ്റ് നല്‍കുന്നത്.
രണ്ട് തവണ തുടര്‍ച്ചയായി മത്സരിച്ചവരും നിലവിലെ മന്ത്രിമാരുമായ ഡോ ടിഎം തോമസ് ഐസക്ക്, ജി സുധാകരന്‍, എകെ ബാലന്‍, ഇപി ജയരാജന്‍, സി രവീന്ദ്രനാഥ് എന്നിവര്‍ക്കും സ്പീക്കര്‍ പി ശ്രീരാമകൃഷ്ണനും സീറ്റ് നൽകിയിട്ടില്ല. എന്നാല്‍ സിപിഎം സ്വതന്ത്രന്‍ എന്ന നിലയില്‍ മന്ത്രി കെടി ജലീല്‍ തവനൂരില്‍ വീണ്ടും സ്ഥാനാര്‍ഥിയാകും. മുഖ്യമന്ത്രി പിണറായി വിജയന്‍, കടകംപള്ളി സുരേന്ദ്രന്‍, എംഎം മണി, ജെ മേഴ്‌സിക്കുട്ടിയമ്മ, എസി മൊയ്തീന്‍, കെകെ ഷൈലജ, ടിപി രാമകൃഷ്ണന്‍ എന്നിവരും മുന്‍ സ്പീക്കര്‍ കെ രാധാകൃഷ്ണനും ഇത്തവണയും മത്സരിക്കും.
സിപിഎം സംസ്ഥാന സെക്രട്ടേറിയറ്റ് അന്തിമ രൂപം നല്‍കിയ സ്ഥാനാർഥികള്‍:
- തിരുവനന്തപുരം
വര്‍ക്കല-വി.ജോയി, ആറ്റിങ്ങല്‍-ഒ.എസ്.അംബിക, വാമനപുരം-ഡി.കെ.മുരളി, കഴക്കൂട്ടം-കടകംപള്ളി സുരേന്ദ്രന്‍, വട്ടിയൂര്‍കാവ്-വി.കെ.പ്രശാന്ത്, നേമം-വി.ശിവന്‍കുട്ടി, അരുവിക്കര-ജീ.സ്റ്റീഫന്‍, പാറശാല-സി.കെ.ഹരീന്ദ്രന്‍, കാട്ടാക്കട-ഐ.ബി.സതീഷ്, നെയ്യാറ്റിന്‍കര-കെ.ആന്‍സലന്‍.
- കൊല്ലം
കൊട്ടാരക്കര-കെ.എന്‍.ബാലഗോപാല്‍, കുണ്ടറ-ജെ.മേഴ്‌സിക്കുട്ടിയമ്മ, കൊല്ലം-എം.മുകേഷ്, ഇരവിപുരം-എം.നൗഷാദ്, ചവറ-ഡോ.സുജിത് വിജയന്‍
- പത്തനംതിട്ട
ആറന്‍മുള-വീണാ ജോര്‍ജ്, കോന്നി-കെ.യു.ജനീഷ്‌കുമാര്‍. ജില്ലാ നേതൃത്വത്തിന്‍റെ എതിര്‍പ്പ് അവഗണിച്ച് റാന്നി സീറ്റ് കേരള കോണ്‍ഗ്രസ് ജോസ് വിഭാഗത്തിനു നല്‍കി.
- ആലപ്പുഴ
അരൂര്‍-ദലീമ ജോജോ, മന്ത്രി തോമസ് ഐസക്കിന്‍റെ മണ്ഡലമായ ആലപ്പുഴ- പി.പി.ചിത്തരഞ്ജന്‍, മന്ത്രി ജി.സുധാകരന്‍റെ മണ്ഡലമായ അമ്പലപ്പുഴ-എച്ച്.സലാം, കായംകുളം-യു.പ്രതിഭ, മാവേലിക്കര-എം.എസ്.അരുണ്‍കുമാർ.
- കോട്ടയം
ഏറ്റുമാനൂര്‍-വി.എന്‍.വാസവന്‍, കോട്ടയം-കെ.അനില്‍കുമാര്‍, പുതുപ്പള്ളി-ജെയ്ക്ക് പി.തോമസ്.
- ഇടുക്കി