തിരുവനന്തപുരം : പൂവാറിലെ നിരോഷ മെഡിക്കൽ ഷോപ്പിൽ ഡ്രഗ്‌സ് കൺട്രോൾ ബോർഡ് നടത്തിയ പരിശോധനയിൽ വ്യാജ ഗുളിക കണ്ടെത്തി. ഫെവിമാക്സ് 400 എന്ന മരുന്നാണ് ഉദ്യോഗസ്ഥര്‍ പിടിച്ചെടുത്തത്. ഹിമാചൽ പ്രദേശ് കേന്ദ്രമാക്കി നിർമ്മാണം നടത്തുന്ന ഈ ഗുളികയുടെ ഉത്പാദകരും വ്യാജൻമാരാണെന്ന് കണ്ടെത്തി.
വ്യാജ മേൽവിലാസത്തിൽ നിർമിച്ച് വിതരണം ചെയ്യുന്ന ഗുളിക കേരളത്തിൽ കൊവിഡ് ഉൾപ്പെടെയുള്ള രോഗങ്ങൾക്ക് ഉപയോഗിച്ചുവന്നിരുന്നുവെന്നും പരിശോധനാസംഘം കണ്ടെത്തി. വൈറൽ ഇൻഫെക്ഷനെന്ന പേരില്‍ ഇറക്കിയ ഗുളിക ഗുജറാത്തിലെ ഒരു ലാബിൽ പരിശോധനയ്ക്ക് വിധേയമാക്കിയിരുന്നു.