തിരുവനന്തപുരം: തലസ്ഥാനത്ത് നാളെ മുതൽ ആൾക്കൂട്ടം നിയന്ത്രിക്കാൻ കർശന നടപടി. കോർപ്പറേഷൻ പരിധിയിലെ ചന്തകളിൽ പകുതി കടകൾക്ക് മാത്രമേ തുറക്കാൻ അനുമതിയുള്ളൂ. ഒന്നിടവിട്ട ദിവസങ്ങൾ എല്ലാവർക്കും തുറക്കാൻ അവസരം കിട്ടുന്ന നിലയിലാണ് ക്രമീകരിക്കുക. മാളുകളിലെ പച്ചക്കറി, പലവ്യഞ്ജനക്കടകൾക്കും ഇത് ബാധകമാണ്. സാധനങ്ങൾ വാങ്ങാനെത്തുന്നവരുടെ എണ്ണം നിയന്ത്രിക്കാൻ പൊലീസും രംഗത്തുണ്ടാവും. ഉറവിടമറിയാത്ത കൊവിഡ് കേസുകൾ സാമൂഹ്യവ്യാപനത്തിന് വഴിവച്ചേക്കുമെന്ന ആശങ്കയിൽ, മന്ത്രി കടകംപള്ളി സുരേന്ദ്രന്‍റെ അധ്യക്ഷതയിൽ ചേർന്ന യോഗത്തിലാണ് തീരുമാനം.
തിരുവനന്തപുരത്ത് നാളെ മുതല്‍ ആള്‍ക്കൂട്ട നിയന്ത്രണം