മലപ്പുറം: താനാളൂരിൽ ബസും ഗുഡ്സ് ഓട്ടോയും കൂട്ടിയിടിച്ച്‌ വിദ്യാർഥി മരിച്ചു. അരീക്കാട് എ.എം.യു.പി സ്‌കൂൾ രണ്ടാം ക്ലാസ് വിദ്യാർഥി സഫ്‌ല ഷെറിൻ ആണ് മരിച്ചത്. തിങ്കളാഴ്‌ച രാവിലെ എട്ടരയോടെ താനാളൂര്‍ ചുങ്കത്ത് വച്ചാണ് അപകടമുണ്ടായത്.
ഒഴൂര്‍ വെട്ടുകുളത്തെ ബന്ധുവീട്ടില്‍ നിന്നും ബന്ധുവായ സാക്കിറിനൊപ്പം ഓട്ടോയില്‍ അരീക്കാടേക്ക് പോകുന്ന വഴിയാണ് അപകടമുണ്ടായത്. മുന്നിലുള്ള വാഹനത്തെ മറികടക്കുന്നതിനിടെ ബസുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ ഗുഡ്സ് ഓട്ടോ തലകീഴായി മറിയുകയും മുന്‍ഭാഗം പൂര്‍ണമായും തകരുകയും ചെയ്‌തു. തുടർന്ന് ഉടൻ തന്നെ നാട്ടുകാരും ദൃക്‌സാക്ഷികളും രക്ഷാപ്രവർത്തനം നടത്തിയെങ്കിലും വിദ്യാർഥി സംഭവ സ്ഥലത്ത് വച്ച് തന്നെ മരിക്കുകയായിരുന്നു.
മലപ്പുറത്ത് ബസും ഗുഡ്സ് ഓട്ടോയും കൂട്ടിയിടിച്ച്‌ വിദ്യാർഥി മരിച്ചു