ബൈക്ക് അപകടത്തിൽ പരിക്കേറ്റ വിദ്യാർഥി മരിച്ചു

കൊട്ടുക്കറ ചെറാട് സ്വദേശി ആഷിക്കാണ് വാഹനാപകടത്തില്‍ കൊല്ലപ്പെട്ടത്.

മലപ്പുറം: ബൈക്കപകടത്തിൽ പരിക്കേറ്റ് ചികിത്സയിലായിരുന്ന വിദ്യാർഥി മരിച്ചു. കൊട്ടുക്കറ ചെറാട് സ്വദേശി ആഷിക്ക് (17) ആണ് മരിച്ചത്. കൊട്ടുക്കര പിപിഎം ഹയർ സെക്കൻഡറി സ്കൂളിലെ കൊമേഴ്സ് വിദ്യാർത്ഥിയാണ് ആഷിക്ക്. ഞായറാഴ്ചയാണ് അപകടം ഉണ്ടായത്. വിവാഹ സൽക്കാരത്തിന് വരന്‍റെ കൂടെ വധുവിന്‍റെ വീടായ വളമംഗലത്തേക്ക് ബൈക്കിൽ പോകവെയാണ് അപകടമുണ്ടായത്. മോങ്ങം ഹിൽടോപ്പിൽ വച്ച് മഞ്ചേരിയിൽ നിന്ന് കോഴിക്കോട്ടേക്ക് പോവുകയായിരുന്ന ബസുമായി ഇവരുടെ ബൈക്ക് കൂട്ടിയിടിക്കുകയായിരുന്നു. ബൈക്കിന് പിറകിലിരുന്ന ആഷിക്കിന് ഇടിയുടെ ആഘാതത്തില്‍ ഗുരുതരമായി പരിക്കേറ്റു. മഞ്ചേരി മെഡിക്കല്‍ കോളേജിലും തുടര്‍ന്ന് കോഴിക്കോട് മെഡിക്കല്‍ കോളേജിലും പ്രവേശിപ്പിച്ചു. ചികിത്സയില്‍ ഇരിക്കെ ഇന്ന് പുലർച്ചയോടെയാണ് ആഷിഖിന്‍റെ മരണം സംഭവിച്ചത്.