കോഴിക്കോട്: കൊവിഡ് കാലത്ത് ആരും പട്ടിണി കിടക്കരുതെന്ന ഉദ്ദേശ്യത്തോടെ കോഴിക്കോട് നഗരത്തിൽ സമൂഹ അടുക്കള ആരംഭിച്ച് ഡിവൈഎഫ്ഐ. കൊവിഡ് ബാധിതരായി വീടുകളിൽ കഴിയുന്നവർക്ക് ഡിവൈഎഫ്ഐ പ്രവർത്തകർ ഇന്ന് മുതല്‍ വീടുകളിൽ ഭക്ഷണം എത്തിച്ച് നൽകും.
കൊവിഡിന്‍റെ ഒന്നും രണ്ടും തരംഗ സമയത്ത് സഹായവുമായി വീടുകളിൽ എത്തിയതിന്‍റെ പിന്തുടർച്ചയായിട്ടാണ് കോഴിക്കോട് ഡിവൈഎഫ്ഐ ഇന്ന് മുതല്‍ വീണ്ടും സമൂഹ അടുക്കള ആരംഭിച്ചത്. കൊവിഡ് ബാധിതരായി വീടുകളിൽ കഴിയുന്ന ആളുകൾക്കാവും സമൂഹ അടുക്കളയില്‍ നിന്ന് ഭക്ഷണം എത്തിക്കുക.
ഡിവൈഎഫ്ഐ ജില്ല സെക്രട്ടറി വി വസീഫ് പ്രതികരിക്കുന്നു