കോഴിക്കോട്: റോഡരികില്‍ കടപുഴകി വീഴാറായ നിലയിലാണ് മരം നില്‍ക്കുന്നത്. കുളിമാട് റോഡില്‍ ചാത്തമംഗലം പഞ്ചായത്തിന്‍റെ വായനശാലാ കെട്ടിടത്തിനും ബസ് കാത്തിരിപ്പ് കേന്ദ്രത്തിനും സമീപത്തായാണ് കൂറ്റന്‍ ചീനിമരം.
ജനങ്ങള്‍ക്ക് ഭീഷണിയായി റോഡരികിലെ മരം
കെട്ടിടങ്ങള്‍ക്ക് മുകളിലേക്ക് ചാഞ്ഞുനില്‍ക്കുന്ന മരം എപ്പോള്‍ വേണമെങ്കിലും നിലംപൊത്തുമെന്ന ഭീതിയിലാണ് ജനങ്ങള്‍. നിരവധി ആളുകളാണ് ദിവസവും വായനശാലയിലും ബസ് കാത്തിരിപ്പ് കേന്ദ്രത്തിലും എത്തുന്നത്. മരം കടപുഴകി വീഴാനുള്ള സാധ്യത കണക്കിലെടുത്ത് നാട്ടുകാര്‍ ചാത്തമംഗലം പഞ്ചായത്തില്‍ പരാതി നല്‍കിയെങ്കിലും തുടര്‍ നടപടികള്‍ ഒന്നും തന്നെയുണ്ടായില്ലെന്ന് നാട്ടുകാര്‍ ആരോപിക്കുന്നു.