കോട്ടയം:കേട്ട് മാത്രം പരിചയമുള്ള കരിമ്പിന്‍ കൃഷിയും ശര്‍ക്കര നിര്‍മ്മാണവും നേരില്‍ കാണാന്‍ വിദ്യാര്‍ഥികളെത്തി. പൊന്‍കുന്നം ചിറക്കടവ് എസ്.പി.വി.എന്‍.എസ്.എസ് യു.പി സ്‌കൂള്‍ വിദ്യാര്‍ഥികളാണ് പഠനത്തിന്‍റെ ഭാഗമായി പാലാ വള്ളിച്ചിറയിലുള്ള നടന്‍ ശര്‍ക്കര നിര്‍മ്മാണ കേന്ദ്രത്തിലെത്തിയത്. കരിമ്പിന്‍ കൃഷിയുമായി ബന്ധപ്പെട്ട പാഠ ഭാഗം വിദ്യാര്‍ഥികള്‍ക്ക് അക്ഷരങ്ങളിലൂടെ വിവരിക്കുന്നതിലും നല്ലത് നേരില്‍ കാണിച്ചുക്കൊടുക്കുന്നതാണെന്ന അധ്യാപകരുടെ തിരിച്ചറിവാണ് വിദ്യാര്‍ഥികളെ വളവിച്ചിറ നിരപ്പ് തൊട്ടിയില്‍ അമ്മിണിയുടെ കരിമ്പിന്‍ പാടത്തെത്തിച്ചത്.
മധുരം രുചിച്ചറിഞ്ഞ് പഠനം; കരിമ്പ് കൃഷിയും ശർക്കര നിർമാണവും നേരില്‍ കണ്ട് വിദ്യാര്‍ഥികള്‍