ഗ്യാസ് സിലിണ്ടർ കയറ്റിയെത്തിയ ലോറിയിൽ നിന്ന് പുക; പരിഭ്രാന്തി, ഒടുവിൽ നിയന്ത്രണ വിധേയം

നാട്ടുകാർ വിവരം അറിയിച്ചതിനെത്തുടർന്ന് അഗ്നിരക്ഷ സേന സംഘം സ്ഥലത്തെത്തി പുക നിയന്ത്രണ വിധേയമാക്കി

കോട്ടയം:എം.സി റോഡിൽ നാട്ടകത്തിനു സമീപം ഗ്യാസ് സിലിണ്ടർ കയറ്റിയെത്തിയ ലോറിയിൽ നിന്നും പുക ഉയർന്നു. ലോറിയുടെ എൻജിൻ ഭാഗത്തു നിന്നാണ് പുക ഉയർന്നത്. പുക ഉയർന്നതോടെ നാട്ടുകാർ പരിഭ്രാന്തരായി.

തുടർന്ന് നാട്ടുകാർ വിവരം അറിയിച്ചതിനെത്തുടർന്ന് അഗ്നിരക്ഷ സേന സംഘം സ്ഥലത്തെത്തുകയും പുക നിയന്ത്രണ വിധേയമാക്കുകയും ചെയ്‌തു. സംഭവത്തെത്തുടർന്ന് റോഡിൽ വൻ ഗതാഗത തടസമാണ് ഉണ്ടായത്.