പാലാ നിയോജകമണ്ഡലം പ്രസിഡന്‍റിനെ സസ്‌പെൻഡ് ചെയ്‌ത് ബിജെപി

തെരഞ്ഞെടുപ്പ് പ്രചരണത്തിലെ നിർജീവാവസ്ഥ ഉന്നയിച്ചാണ് ബിനു പുളിക്കൽക്കണ്ടത്തിനെതിരെ നടപടിയെടുത്തിരിക്കുന്നത്.  തെരഞ്ഞെടുപ്പില്‍ എൻ. ഹരി വോട്ട് മറിച്ചെന്ന ആരോപണവുമായി ബിനു രംഗത്തെത്തിയിരുന്നു

കോട്ടയം: പാലാ ഉപതെരഞ്ഞെടുപ്പിൽ പോളിങ്ങിന് പിന്നാലെ ബിജെപിയില്‍ പൊട്ടിത്തെറി. തെരഞ്ഞെടുപ്പ് പ്രചരണത്തിലെ നിർജീവാവസ്ഥ ഉന്നയിച്ച് പാലാ നിയോജനകമണ്ഡലം പ്രസിഡന്‍റ് ബിനു പുളിക്കൽകണ്ടത്തിനെ പാര്‍ട്ടിയില്‍ നിന്ന് സസ്‌പെന്‍ഡ് ചെയ്‌തു. തെരഞ്ഞെടുപ്പില്‍ എൻഡിഎ സ്ഥാനാർത്ഥി എൻ ഹരി വോട്ട് മറിച്ചെന്ന് ബിനു പുളിക്കൽക്കണ്ടം ആരോപണമുന്നയിച്ചിരുന്നു.

ബിജെപി സ്ഥാനാര്‍ഥി വോട്ട് മറിക്കുന്നതായി എൽഡിഎഫ് സ്ഥാനാർഥി മാണി സി കാപ്പൻ നേരത്തെ ആരോപണമുന്നയിച്ചിരുന്നു. ഇതിന് പിന്നാലെയാണ് സമാന ആരോപണവുമായി ബിനു പുളിക്കൽകണ്ടം രംഗത്തെത്തിയത്.