എറണാകുളം: പൊതുജനങ്ങളോട് പൊലീസ് മാന്യമായ ഭാഷയിൽ സംസാരിക്കണമെന്ന് ഹൈക്കോടതി. പൊലീസ് അതിക്രമം ആരോപിച്ച് സമർപ്പിച്ച ഹർജി പരിഗണിക്കുകയായിരുന്നു കോടതി. 'എടാ', 'എടി' പ്രയോഗങ്ങൾ പാടില്ല. ജനങ്ങളോടുള്ള പൊലീസിന്‍റെ പെരുമാറ്റം മെച്ചപ്പെടുത്തണം. പൊലീസ് മേധാവി തന്നെ ഇത് സംബന്ധിച്ച് സർക്കുലർ ഇറക്കണമെന്നും ഹൈക്കോടതി നിർദേശിച്ചു.
പൊലീസിന് മുന്നിലെത്തുന്നവരല്ലാം പ്രതികളല്ല. പൊലീസിന്‍റെ മോശം പെരുമാറ്റം സഹിക്കേണ്ട ആവശ്യം ജനങ്ങൾക്കില്ല. തെറ്റു ചെയ്യുന്നവർക്കെതിരെ നിയമപരമായ നടപടി സ്വീകരിക്കാനാണ് പൊലീസിന് അധികാരമുള്ളതെന്നും കോടതി ഓർമിപ്പിച്ചു.