കനത്ത മഴയില്‍ മതിലിടിഞ്ഞുവീണു

കഴിഞ്ഞ ദിവസം പുലർച്ചെയുണ്ടായ കനത്ത മഴയിലാണ് മതിൽ തകർന്നു വീണത്.

കണ്ണൂര്‍: തളിപ്പറമ്പ് മുയ്യത്ത് കനത്ത മഴയിൽ വീട്ടുമതിലിടിഞ്ഞ് തൊട്ടടുത്ത വീട്ടിലേക്ക് പതിച്ചു. മുയ്യം അടുക്കത്തെ ടി.വി ചിണ്ടന്‍റെ വീട്ടുമതിലാണ് തകർന്നത്. മഴയിൽ മുറ്റത്തെ മണ്ണൊലിച്ചുപോയി വീടും അപകടാവസ്ഥയിലായി. കഴിഞ്ഞ ദിവസം പുലർച്ചെയുണ്ടായ കനത്ത മഴയിലാണ് മതിൽ തകർന്നു വീണത്. അഞ്ചു മീറ്റർ ഉയരമുള്ള മതിൽ തൊട്ടടുത്തുള്ള എം.മുരളിയുടെ വീടിന്‍റെ അടുക്കള ഭാഗത്തേക്കാണ് പതിച്ചത്. മുരളിയുടെ വീട്ടിലെ കക്കൂസ് ടാങ്ക്, പൈപ്പ് എന്നിവ തകർന്നു. അഞ്ച് വർഷം മുമ്പ് കോൺക്രീറ്റ്, ബെൽറ്റ് എന്നിവ ഉപയോഗിച്ചാണ് മതിൽ പണിതത്.