കണ്ണൂർ: സിപിഎം 23-ാം പാർട്ടി കോൺഗ്രസിന്‍റെ ഭാഗമായുള്ള സെമിനാറിൽ പങ്കെടുക്കാന്‍ തമിഴ്‌നാട് മുഖ്യമന്ത്രി എം.കെ സ്റ്റാലിൻ കണ്ണൂരിലെത്തി. എം.കെ സ്റ്റാലിനാണ് സെമിനാറിന്‍റെ മുഖ്യാതിഥി. ഇന്ന് വൈകിട്ടാണ് 'കേന്ദ്ര സംസ്ഥാന ബന്ധങ്ങൾ' എന്ന വിഷയത്തില്‍ സെമിനാർ നടക്കുക.
ഉച്ചയോടെ കണ്ണൂർ വിമാനത്താവളത്തിലെത്തിയ എം.കെ സ്റ്റാലിനെ മന്ത്രി എം.വി ഗോവിന്ദൻ, വി ശിവദാസൻ എംപി, ഡിഎംകെ നേതാക്കൾ എന്നിവരുടെ നേതൃത്വത്തില്‍ സ്വീകരിച്ചു. തമിഴ്‌നാട് മുഖ്യമന്ത്രിയുടെ വരവിനെ വലിയ പ്രാധാന്യത്തോടെയാണ് സിപിഎം നേതൃത്വം നോക്കികാണുന്നത്. സെമിനാറില്‍ പങ്കെടുക്കാനായി കെ.വി തോമസ് വെള്ളിയാഴ്‌ച രാത്രിയോടെ തന്നെ കണ്ണൂരില്‍ എത്തിയിരുന്നു.
Also read: ഉറ്റു നോക്കി രാഷ്ട്രീയ കേരളം: മുഖ്യാതിഥി സ്റ്റാലിൻ, ശ്രദ്ധാകേന്ദ്രമായി കെ.വി തോമസ്
