ബിജെപിയിലെത്തിച്ചത് രാജ്യസ്നേഹമെന്ന് ടോം വടക്കൻ

"ജീവിതത്തിന്‍റെ 30 വർഷം കോൺഗ്രസിന് നൽകിയതാണ് ഞാന്‍ ചെയ്ത തെറ്റ്" - ടോം വടക്കന്‍

ആലപ്പുഴ:രാജ്യ സ്നേഹമാണ് തന്നെ ബിജെപിയിൽ എത്തിച്ചതെന്ന് കോൺഗ്രസ് മുൻ ദേശീയ വക്താവ് ടോം വടക്കൻ. ആലപ്പുഴയിലെ എൻഡിഎ സ്ഥാനാർഥി കെ എസ് രാധാകൃഷ്ണന്‍റെ തെരഞ്ഞെടുപ്പ് കൺവെൻഷനിൽ സംസാരിക്കുകയായിരുന്നു അദ്ദേഹം. ജീവിതത്തിന്റെ 30 വർഷം കോൺഗ്രസിന് നൽകിയതാണ് താൻ ചെയ്ത തെറ്റാണെന്നും സാധാരണ പ്രവർത്തകർക്ക് കോൺഗ്രസിൽ സ്ഥാനമില്ലെന്നും അദ്ദേഹം കുറ്റപ്പെടുത്തി. പരാജയഭീതി കൊണ്ടാണ് രാഹുല്‍ വയനാട്ടിൽ എത്തിയത് കേരളത്തിൽ മറ്റെവിടെയും മത്സരിക്കാൻ രാഹുലിന് ധൈര്യമില്ല കോൺഗ്രസ് ന്യൂനപക്ഷങ്ങൾക്ക് വേണ്ടി ഒന്നും ചെയ്തിട്ടില്ലെന്നും ടോം ആരോപിച്ചു. അമിത് ഷാ യോഗത്തില്‍ പങ്കെടുക്കുമെന്ന് അറിയിച്ചിരിന്നെങ്കിലും പ്രതികൂല കാലാവസ്ഥ ആയതിനാല്‍ എത്തിച്ചേര്‍ന്നില്ല.