റെയില്‍വേ മന്ത്രിക്ക് ആരിഫ് എംപി നിവേദനം നല്‍കി

കുതിരപ്പന്തി, മാളികമുക്ക് റെയിൽവേ മേൽപ്പാല നിർമാണം മുടങ്ങിയത് സംബന്ധിച്ചായിരുന്നു ആരിഫ് എംപിയുടെ നിവേദനം.

ആലപ്പുഴ: ആലപ്പുഴ ബൈപ്പാസ് നിർമാണം, ചേർത്തല ഓട്ടോകാസ‌്റ്റ‌് എന്നിവയുമായി ബന്ധപ്പെട്ട് ആലപ്പുഴ എംപി എ എം ആരിഫ‌് കേന്ദ്ര റെയിൽവേ മന്ത്രി പീയുഷ് ഗോയലിന് നിവേദനം നൽകി. റെയിൽവേ ട്രാഫിക് കൺട്രോൾ, വൈദ്യുതി ലൈൻ എന്നിവയുടെ കാര്യത്തിൽ റെയിൽവേ മന്ത്രാലയം നടപടി സ്വീകരിക്കാത്തതിനാല്‍ കുതിരപ്പന്തി, മാളികമുക്ക് റെയിൽവേ മേൽപ്പാല നിർമാണം മുടങ്ങിയിരിക്കുകയാണ‌്. ഇത് സംബന്ധിച്ചായിരുന്നു എംപിയുടെ നിവേദനം. വിഷയത്തിൽ അടിയന്തരമായി ഇടപെടാൻ കേന്ദ്ര റെയിൽവേ മന്ത്രി പീയുഷ് ഗോയൽ റെയിൽവേ ഉദ്യോഗസ്ഥർക്ക് നിർദേശം നൽകി. സംസ്ഥാന പൊതുമേഖലാ സ്ഥാപനമായ ഓട്ടോകാസ‌്റ്റിന‌് ചരക്ക് തീവണ്ടി ബോഗി നിർമാണത്തിന‌് ഓർഡർ ലഭിച്ചിട്ടുണ്ട‌്. മറ്റ‌് കേന്ദ്ര പൊതുമേഖലാ സ്ഥാപനങ്ങളുടെയും നിർമാണ കരാർ ഓട്ടോകാസ‌്റ്റിന‌് നൽകണമെന്നും നിവേദനത്തില്‍ എംപി ആവശ്യപ്പെട്ടിട്ടുണ്ട്.