മുംബൈ( മഹാരാഷ്‌ട്ര): റിലയൻസിന്‍റെ ഉടമസ്ഥതയിലുള്ള പലചരക്ക് വിതരണ ശൃംഖലയായ ജിയൊമാർട്ടുമായി എസ്എംഇ ക്രെഡിറ്റ് പ്ലാറ്റ്‌ഫോമായ ഇ-പേലേറ്റർ (ePayLater) സഹകരിക്കുന്നു. രാജ്യത്തെ ചില്ലറ വിൽപ്പനയുടെ മുന്നേറ്റത്തിനുള്ള ചുവട്‌വെയ്പ്പാണ് ഈ നീക്കമെന്നാണ് വിലയിരുത്തല്‍. ഇതോടെ ചെറുകിട വ്യാപാരികൾക്കും വളരെ എളുപ്പത്തിൽ ഓൺലൈൻ വിൽപനയുടെ അനന്ത സാധ്യതകളാണ് തുറക്കുന്നത്.
ഗുണം ഇങ്ങനെ:വിദൂര ഗ്രാമങ്ങളിലെ കച്ചവടക്കാർക്ക് പോലും ഓൺലൈൻ വ്യാപാരം നടത്തുന്നതിനും വായ്‌പ ലഭിക്കുന്നതിനും ഇ-പേലേറ്റർ വഴിയൊരുക്കും. ജിയോ മാർട്ടുമായി സഹകരിക്കുന്ന റിട്ടെയിൽ വ്യാപാരികൾക്ക് ഇത് വളരെയധികം സഹായകരമാകും. റിലയൻസിന്‍റെ പുതിയ ഇ-കൊമേഴ്‌സ് പ്ലാറ്റ്‌ഫോമിലൂടെ ചെറുകിട വ്യാപാരികൾ ഉൾപ്പെടെ എല്ലാത്തരം വ്യാപാരികൾക്കും സുഗമമായ വിൽപന സാധ്യമാകും.