ന്യൂഡല്‍ഹി: യുഎസ് കമ്പനിയായ ജോണ്‍സണ്‍&ജോണ്‍സന്‍റെ (ജെ&ജെ) കൊവിഡ് വാക്‌സിന് അടിയന്തര ഉപയോഗത്തിന് ഭാരത സർക്കാരിന്‍റെ അനുമതി. അടിയന്തര ഉപയോഗത്തിന് ഇന്ത്യ അനുമതി നൽകുന്ന അഞ്ചാമത്തെ വാക്‌സിനാണിത്. ആരോഗ്യ മന്ത്രി മൻസുക് മാണ്ഡവ്യയാണ് ജോണ്‍സണ്‍&ജോണ്‍സന്‍റെ വാക്‌സിന് അംഗീകാരം നൽകിയ കാര്യം ട്വീറ്ററിലൂടെ അറിയിച്ചത്.
Also Read: സെറത്തിന്‍റെ കോവോവാക്‌സ് ഒക്‌ടോബറിൽ ; കുട്ടികള്‍ക്കുള്ളത് 2022 ന്‍റെ ആദ്യപാദത്തില്‍
ജൂലൈ അഞ്ചിനാണ് അടിയന്തര ഉപയോഗത്തിന് അനുമതി തേടി കമ്പനി അപേക്ഷ സമർപ്പിച്ചത്. ഇന്ത്യയിൽ ഹൈദരബാദ് ആസ്ഥാനമായുള്ള ബയോളജിക്കൽ ഇ ലിമിറ്റഡുമായാണ് ചേർന്നാണ് ജോണ്‍സണ്‍ & ജോണ്‍സണ്‍ വാക്‌സിൻ ഉത്പാദനവും വിതരണവും നടത്തുക.
ഒറ്റ ഡോസ് മാത്രമുള്ള വാക്‌സിൻ എന്നതാണ് ജോണ്‍സണ്‍ & ജോൺസന്‍റെ പ്രത്യേകത. ഒറ്റ ഡോസ് വാക്‌സിന് അംഗീകാരം ലഭിക്കുന്നതോടെ ഇന്ത്യയിലെ വാക്‌സിനേഷന്‍റെ വേഗത കൂട്ടാനാവും. ജോണ്‍സണ്‍ & ജോൺസണ്‍ വാക്‌സിൻ കൊവിഡിനെതിരെ 85 ശതമാനം വരെ ഫലപ്രദമാണെന്നാണ് പഠനം പറയുന്നത്.