യുഎസ്-ഇറാൻ സംഘർഷം; സ്വർണ വില കൂടുന്നു

കേരളത്തിൽ 520 രൂപ വർധിച്ച് പവന് 30,200 രൂപയിലേക്കുയർന്നു. ഗ്രാമിന് 3775 രൂപയാണ് വില.

ന്യൂഡൽഹി: പശ്ചിമേഷ്യയിൽ വർധിച്ചുവരുന്ന സംഘർഷങ്ങൾക്കിടയിൽ സ്വർണ വില 10 ഗ്രാമിന് 916 രൂപ ഉയർന്ന് ഫ്യൂച്ചർ ട്രേഡിൽ 41,096 രൂപയായി.
എംസിഎക്‌സ്‌ ഫെബ്രുവരി ഗോൾഡ് ഫ്യൂച്ചേഴ്‌സിൽ 10 ഗ്രാമിന് എക്കാലത്തേയും ഉയർന്ന 41,096 രൂപയായി. യുഎസ്-ഇറാൻ സംഘർഷത്തെതുടർന്ന് ആഗോള വിലയിലുണ്ടായ വർധനയാണ് വില വർധിക്കാൻ കാരണം. ആഗോളതലത്തിൽ ന്യൂയോർക്കിൽ സ്വർണ വില ഔൺസിന് 1.67 ശതമാനം ഉയർന്ന് 1,578.40 ഡോളറിലെത്തി.
കേരളത്തിൽ 520 രൂപ വർധിച്ച് പവന് 30,200 രൂപയിലേക്കുയർന്നു. ഗ്രാമിന് 3775 രൂപയാണ് വില.