ധനകമ്മി ലക്ഷ്യം നേടുക പ്രയാസകരം : മൂഡിസ്

ധനകമ്മി ലക്ഷ്യം പാലിക്കുന്നതു സംബന്ധിച്ച വെല്ലുവിളികൾ ഇന്ത്യക്ക് നൽകിയിട്ടുള്ള റേറ്റിംഗ് കുറക്കുന്നതിനുള്ള കാരണമാകില്ലെന്ന് മൂഡിസ് വ്യക്തമാക്കി.

അടുത്ത സാമ്പത്തിക വർഷത്തിൽ മൊത്ത ആഭ്യന്തര ഉൽപ്പാദനത്തിന്‍റെ 3.4 ശതമാനത്തിൽ ധനകമ്മി പിടിച്ചു നിർത്തുകയെന്ന ലക്ഷ്യം കേന്ദ്ര സർക്കാരിന് പ്രയാസകരമാകുമെന്ന് മൂഡിസ് ഇൻവസ്റ്റേർസ് സർവീസ് വിലയിരുത്തൽ.

ഉയർന്ന ചെലവും കുറഞ്ഞ വരുമാന വളർച്ചയും ലക്ഷ്യം കൈവരിക്കാൻ തടസ്സാകുമെന്ന് മൂഡിസ് ചൂണ്ടിക്കാട്ടുന്നു. രാജ്യത്തെ വായ്പാ ഭാരം ജിഡിപിയുമായുള്ള അനുപാതത്തിൽ പരിഗണിക്കുമ്പോൾ കൂടുതലാണ്.

സാമ്പത്തിക ഏകീകരണ പാതയിൽ നിന്ന് വ്യതിചലിക്കാതെ മുന്നോട്ടു പോകാൻ സർക്കാർ തയാറായാൽ മാത്രമേ ധനകമ്മിയിൽ കുറയുകയുള്ളൂവെന്ന് മൂഡിസ് ഇൻവസ്റ്റേർസ് സർവീസിന്‍റെ സോവർജീൻ റിസ്ക് ഗ്രൂപ്പ് മാനേജിംഗ് ഡയറക്ടർ ജീൻ ഫാൻഗ് പറയുന്നു.

അടുത്ത സാമ്പത്തിക വർഷത്തെ ധനകമ്മി 3.1 ശതമാനമായി കുറക്കുന്നതിനാണ് ലക്ഷ്യമിടേണ്ടിയിരുന്നതെന്ന് മൂഡിസ് ചൂണ്ടിക്കാണിക്കുന്നു.