വാലന്‍റെയ്ൻസ് ഡേ പ്രണയാതുരമാക്കാൻ കൊച്ചിയിൽ സണ്ണി ലിയോണെത്തില്ല...!

മാര്‍ച്ച്‌ രണ്ടിന് കൊച്ചിയില്‍ നടക്കുന്ന ഒരു അവാര്‍ഡ് നിശയില്‍ താന്‍ എത്തുമെന്ന് സണ്ണി ട്വിറ്റര്‍ പോസ്റ്റില്‍ വ്യക്തമാക്കിയിട്ടുണ്ട്.

കൊച്ചിയിൽ നടക്കാനിരുന്ന വാലന്‍റെയ്ന്‍സ് ഡേ നൈറ്റില്‍ നിന്നും സണ്ണിലിയോണ്‍ പിന്‍മാറി. ഇന്ന് വൈകീട്ടായിരുന്നു പരിപാടികൾ സംഘടിപ്പിച്ചിരുന്നത്. താൻ പങ്കെടുക്കുന്നില്ലെന്ന കാര്യം സണ്ണി തന്നെയാണ് ട്വിറ്റർ വഴി ആരാധകരെ അറിയിച്ചിരിക്കുന്നത്. പരിപാടിയുടെ പോസ്റ്ററിൽ ചുവപ്പ് ക്രോസ് മാര്‍ക്ക് ഇട്ടാണ് താരം ട്വിറ്ററില്‍ പരിപാടിയില്‍ പങ്കെടുക്കുന്നില്ല എന്ന കാര്യം വ്യക്തമാക്കിയത്.

എല്ലാവരോടും ക്ഷമ ചോദിക്കുന്നു. കൊച്ചിയിലെ വാലന്‍റെയ്ന്‍സ് ഡേ പരിപാടിയില്‍ ഞാന്‍ ഉണ്ടാകില്ല. പരിപാടിയുടെ പ്രമോട്ടര്‍മാര്‍ നല്‍കിയ വാഗ്ദാനങ്ങള്‍ പാലിക്കാത്തതിനാലാണ് പിന്‍മാറുന്നത് എന്നാണ് സണ്ണി പറയുന്നത്. അതേ സമയം പ്രതിഫലത്തെ ചൊല്ലിയുള്ള തര്‍ക്കമാണ് വലിയ തുകയ്ക്ക് ടിക്കറ്റുകള്‍ വിറ്റ പരിപാടിയില്‍ നിന്നും സണ്ണി പിന്‍മാറാന്‍ കാരണം എന്നും റിപ്പോര്‍ട്ടുണ്ട്.