ഓച്ചിറയിൽ നിന്ന് കാണാതായ പെണ്കുട്ടിയെ മുംബൈയിൽ കണ്ടെത്തി; പ്രതി മുഹമ്മദ് റോഷൻ പിടിയില്
റോഷന് നാട്ടിലേക്ക് ബന്ധപ്പെട്ടത് ഓട്ടോ ഡ്രൈവര്മാരുടെ മൊബൈല് ഫോണുകള് വഴി. ഈ ഫോണ് കോളുകള് പിന്തുടര്ന്നാണ് അന്വേഷണ സംഘം പ്രതിയെ പിടികൂടിയത്
Published : Mar 26, 2019, 3:39 PM IST
Published : Mar 26, 2019, 3:39 PM IST
|Updated : Mar 27, 2019, 7:55 PM IST
ഇന്ന് രാവിലെയാണ് കേരളത്തിൽ നിന്നുള്ള പ്രത്യേക അന്വേഷണ സംഘം മുംബൈയിലെ ചേരിയിൽ നിന്നും പെൺകുട്ടിയെ കണ്ടെത്തിയത്. കേസിലെ ഒന്നാം പ്രതി മുഹമ്മദ് റോഷനെയും പെൺകുട്ടിയോടൊപ്പം പൊലീസ് കസ്റ്റഡിയിലെടുത്തു. സംഭവുമായി ബന്ധപെട്ട് മൂന്ന് പേരെ നേരത്തെ അറസ്റ്റ് ചെയ്തിരുന്നു. ഓച്ചിറയിൽ നിന്നും എറണാകുളത്തേക്ക് എത്തിയ ഇരുവരും ട്രെയിനിൽ ബംഗളുരുവിലേക്ക് കടന്നു. എന്നാല് ബംഗളുരുവിലെത്തിയ പൊലീസ് സംഘത്തിന് ഇവരെ പിടികൂടനായില്ല. പെൺകുട്ടിയുമായി ഓട്ടോറിക്ഷകളിൽ കറങ്ങി നടന്ന ഇയാൾ ഓട്ടോറിക്ഷ ഡ്രൈവർമാരുടെ മൊബൈൽ ഫോൺ വാങ്ങി നാട്ടിൽ ബന്ധപ്പെട്ടിരുന്നു. ഈ ഫോൺ കോളുകൾ വഴിയാണ് ഇവർ മുംബൈയിലുള്ളതായി പൊലീസ് മനസിലാക്കിയത്. പെൺകുട്ടിയേയും റോഷനെയും ഇന്ന് തന്നെ നാട്ടിലെത്തിക്കുമെന്നാണ് പൊലീസ് നല്കുന്ന സൂചന.