ന്യൂഡല്‍ഹി: കൊവിഡി 19 ലോക്ക് ഡൗണ്‍ ഇരുതല മൂര്‍ച്ചയുള്ള വാളാണെന്ന് ഇന്ത്യന്‍ പേസര്‍ മുഹമ്മദ് ഷമി. ലോക്ക് ഡൗണ്‍ കാലം കായിക താരങ്ങള്‍ക്ക് ഗുണം ചെയ്യുന്നതോടെപ്പം ദോഷവും ചെയ്യുമെന്ന് വിലയിരുത്തുകയായിരുന്നു ഷമി. മഹാമാരി ഒരു വശത്ത് കായിക താരങ്ങളുടെ താളം തെറ്റിക്കുമ്പോള്‍ മറുവശത്ത് ശാരീരിക ക്ഷമത വീണ്ടെടുക്കാനും അവസരം ഒരുക്കുന്നു. വാര്‍ത്താ ഏജന്‍സിക്ക് നല്‍കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
നിറയെ മത്സരങ്ങളുമായി മുന്നോട്ട് പോയ ഇന്ത്യന്‍ ക്രിക്കറ്റ് ടീമിന് ശാരീരിക ക്ഷമത വീണ്ടെടുക്കാനും പുത്തന്‍ ഉണര്‍വിനും ഈ അവധി സഹായിച്ചു. മറുവശത്ത് ശാരീരിക ക്ഷമത വീണ്ടെടുക്കുമ്പോള്‍ പരിശീലനത്തിന്‍റെ അഭാവം കളിക്കളത്തിലെ താളം നഷ്ടപ്പെടാനുള്ള സാധ്യതയുണ്ടാക്കുന്നു.