ഇടതുപക്ഷത്തിന്‍റെ പരാജയം പ്രതീക്ഷിച്ചതിനെക്കാൾ വലുത്: എംപി വീരേന്ദ്രകുമാർ

രാഹുൽ ഗാന്ധി കർണാടകയിൽ മത്സരിക്കാത്തത് എന്തെന്ന് ഇപ്പോൾ മനസ്സിലായെന്നും വീരേന്ദ്രകുമാർ

കോഴിക്കോട്: എൻഡിഎയുടെ വിജയം ഒരോ പാർട്ടികളും വിലയിരുത്തണമെന്ന് എംപി വീരേന്ദ്രകുമാർ. കേരളത്തിലെ എൽഡിഎഫിന്‍റെ പരാജയം പ്രതീക്ഷിച്ചതിലും അപ്പുറമാണെന്നും വീരേന്ദ്രകുമാർ പറഞ്ഞു. അതെ സമയം, നേതാക്കൾ വിജയം നോക്കി പോകേണ്ടവരല്ലെന്നും വെല്ലുവിളികളെ നേരിടാൻ തയ്യാറാവുന്നവരെയാണ് നേതാക്കൾ എന്ന് ജനം വിളിക്കുകയെന്നും വീരേന്ദ്രകുമാർ വ്യക്തമാക്കി.

രാഹുൽ ഗാന്ധി കർണ്ണാടകയിൽ മത്സരിക്കാതിരുന്നത് പരാജയം മുൻപിൽ കണ്ടാണെന്നും വീരേന്ദ്രകുമാർ ആരോപിച്ചു. പരാജയം എല്ലാ പാർട്ടികളും വിലയിരുത്തണമെന്നും അദ്ദേഹം പറഞ്ഞു.