"ആർക്കെതിരെ എന്തും പറയാമെന്ന് കരുതിയോ?"; പി സി ജോർജിനെ വിമര്ശിച്ച് ഹൈക്കോടതി
കൊച്ചിയില് ആക്രമിക്കപ്പെട്ട നടിയുടെ പേര് വെളിപ്പെടുത്തിയതിനാണ് പി സി ജോര്ജ് ഹൈക്കോടതിയുടെ വിമര്ശനം ഏറ്റു വാങ്ങിയത്.
കൊച്ചിയിൽ ആക്രമിക്കപ്പെട്ട നടിയുടെ പേര് വെളിപ്പെടുത്തിയതിന് പി സിജോർജിന് ഹൈക്കോടതിയുടെ രൂക്ഷ വിമർശനം. നെടുമ്പാശ്ശേരി പൊലീസ് രജിസ്റ്റർ ചെയ്ത കേസ് റദ്ദാക്കണമെന്ന് ആവശ്യപ്പെട്ട് പി സിജോർജ് ഹൈക്കോടതിയെ സമീപിച്ചിരുന്നു. എന്നാൽ പി സി ജോർജിന്റെ ആവശ്യം തള്ളിയ കോടതി, ശക്തമായ വിമർശനമാണ് ഉന്നയിച്ചത്. കുടുംബത്തിലുള്ളവർക്കെതിരെയാണെങ്കിൽ ഇങ്ങനെ ചെയ്യുമോയെന്ന് കോടതി ചോദിച്ചു. നേരത്തെ പി സി ജോർജിനെതിരെ ആക്രമണത്തിന് ഇരയായ നടി മുഖ്യമന്ത്രിക്ക് പാരാതി നൽകിയിരുന്നു. ഇതേ തുടർന്നാണ് പൊലീസ് കേസെടുത്തത്.