തമിഴ്നാട്ടിൽ നിന്ന് ദർശനത്തിനെത്തിയ സ്ത്രീയെ മരക്കൂട്ടത്ത വച്ച് തടഞ്ഞ സംഭവത്തിൽ കർമ്മസമിതി പ്രവർത്തകർക്കെതിരെ പൊലീസ് കേസെടുത്തു. തിങ്കളാഴ്ച്ച രാത്രിയായിരുന്നു സംഭവം. 18 കർമ്മസമിതി പ്രവർത്തകർക്കെതിരെ സന്നിധാനം പൊലീസ് കേസെടുത്തു.
തമിഴ്നാട്ടിലെ തിരുവല്ലത്ത് നിന്ന് ദർശനത്തിനെത്തിയ സംഘത്തിലെ വിജയലക്ഷ്മിയെ പ്രായത്തിന്‍റെ കാര്യത്തിൽ സംശയം തോന്നിയ പ്രവർത്തകർ തടയുകയായിരുന്നു. തുടർന്ന് ഇവരോട് തിരിച്ചറിയൽ കാർഡ് കാണിക്കാൻ ആവശ്യപ്പെടുകയായിരുന്നു. എന്നാൽ ഇതിന് തയ്യാറാകാതിരുന്നതോടെയാണ് പ്രവർത്തകർ ഇവരെ കയ്യേറ്റാൻ ചെയ്യാൻ ശ്രമിച്ചത്. സംഭവത്തില്‍ പൊലീസും കര്‍മ്മ സമിതി പ്രവര്‍ത്തകരും തമ്മില്‍ വാക്കേറ്റം ഉണ്ടായിരുന്നു. സ്ത്രീയെ അന്യായമായി തടഞ്ഞതിന് സന്നിധാനം പൊലീസ് രണ്ട് കേസുകളാണ് എടുത്തത്. തുടർന്ന് പൊലീസിന്‍റെ സംരക്ഷണത്തിലാണ് വിജയലക്ഷ്മിഅയ്യപ്പ ദർശനം നടത്തിയത്.