വിശാഖപട്ടണം:ആന്ധ്രാപ്രദേശിലെ വിശാഖപട്ടണം ജില്ലയിലെ ഗജുവാക്കയിൽ താമസിക്കുന്ന ഒരു യൂട്യൂബറാണ് സഞ്ജു എന്ന സിംഹാദ്രി. എല്ലാ യുവാക്കളെയും പോലെ സഞ്ജുവിനും ഒരു ബൈക്കിനോട് പ്രത്യേക കമ്പമുണ്ടായിരുന്നു. ഹീറോ കമ്പനിയായ എക്‌സ്‌പ്ലോസീവ് 4V-യുടെ സ്‌പോർട്‌സ് ബൈക്കായിരുന്നു അത്. ബൈക്ക് വാങ്ങാനായി സിംഹാദ്രി പണം സ്വരൂപിച്ചു.
പണം നല്‍കിയത് നാണയങ്ങളായി
ഒടുവില്‍ 1.60 ലക്ഷം രൂപ നല്‍കി ബൈക്ക് സ്വന്ത്വമാക്കാന്‍ സിംഹാദ്രി തീരുമാനിച്ചു. എന്നാല്‍ ഈ യൂട്യൂബര്‍ ബൈക്കിന് പണം നല്‍കിയത് വ്യത്യസ്‌തമായ രീതിയിലാണ്. 1.60 ലക്ഷം രൂപയും നാണയങ്ങളായി നല്‍കിയാണ് സിംഹാദ്രി തന്‍റെ സ്വപ്‌ന വാഹനം സ്വന്തമാക്കിയത്. ഷോറൂം ഉടമയുമായുള്ള പരിചയം സിംഹാദ്രിയെ തന്‍റെ സ്വപ്‌ന സാക്ഷാത്കാരത്തിന് സഹായിച്ചു.