മഞ്ചേരിയൽ (തെലങ്കാന): ശസ്‌ത്രക്രിയ കഴിഞ്ഞ വധുവിനെ ആശുപത്രി കിടക്കയിൽ വച്ച് വിവാഹം ചെയ്‌ത് വരൻ. തെലങ്കാനയിലെ മഞ്ചേരിയലിലാണ് സംഭവം. വിവാഹത്തലേന്ന് ദേഹാസ്വസ്ഥ്യം അനുഭവപ്പെട്ടതിനെ തുടർന്ന് വധു കുഴഞ്ഞുവീഴുകയും ആശുപത്രിയിൽ പ്രവേശിപ്പിക്കുകയുമായിരുന്നു. തുടർന്ന് അന്ന് തന്നെ യുവതിക്ക് ശസ്‌ത്രക്രിയയും നടത്തി.
ചേന്നൂർ മണ്ഡലത്തിൽ നിന്നുള്ള വധു ബനോത്ത് ഷൈലജയും ജയശങ്കർ ഭൂപാലപ്പള്ളി ജില്ലക്കാരനായ ഹത്‌കർ തിരുപ്പതിയുമായുള്ള വിവാഹം ഫെബ്രുവരി 23നായിരുന്നു നിശ്ചയിച്ചിരുന്നത്. എന്നാൽ ഷൈലജയ്‌ക്ക് ഫെബ്രുവരി 22ന് ദേഹാസ്വാസ്ഥ്യം അനുഭവപ്പെടുകയും ആശുപത്രിയിൽ പ്രവേശിപ്പിക്കുകയും ശസ്‌ത്രക്രിയ നടത്തുകയുമായിരുന്നു.