'140 കോടി ഇന്ത്യക്കാർ നിങ്ങൾക്കൊപ്പം'; ലോകകപ്പ് ഫൈനലിന് മുന്നോടിയായി ടീമിന് ആശംസകൾ അറിയിച്ച് മോദി

PM Narendra Modi wishes team India Success : ഔദ്യോഗിക എക്‌സ് അക്കൗണ്ടിലൂടെയാണ് പ്രധാനമന്ത്രി നരേന്ദ്രമോദി ടീം ഇന്ത്യക്ക് ആശംസകൾ അറിയിച്ചത്

ന്യൂഡൽഹി : ലോകകപ്പ് ഫൈനലിന് മുന്നോടിയായി ഇന്ത്യൻ ടീമിന് വിജയാശംസകള്‍ അറിയിച്ച് പ്രധാനമന്ത്രി നരേന്ദ്ര മോദി. ഇന്ത്യൻ ടീമിന് എല്ലാ വിജയാശംസകളും എന്നാണ് നരേന്ദ്ര മോദി തന്‍റെ എക്‌സ് അക്കൗണ്ടിൽ കുറിച്ചത്.

'ഇന്ത്യൻ ടീമിന് എല്ലാ ആശംസകളും. 140 കോടി ഇന്ത്യക്കാർ നിങ്ങളോടൊപ്പമുണ്ട്. തിളങ്ങാനും നന്നായി കളിക്കാനും കായികക്ഷമതയുടെ ചൈതന്യം ഉയർത്തിപ്പിടിക്കാനും കഴിയട്ടെ'- മോദി തന്‍റെ എക്‌സ് അക്കൗണ്ടിൽ കുറിച്ചു.