ബെംഗളൂരു: മൈസൂരുവിൽ സഹോദരന്റെയും സഹോദരി ഭർത്താവിന്റെയും സഹായത്തോടെ ഭാര്യ ഭർത്താവിനെ കുത്തി കൊന്നു. മൈസൂരു ജില്ലയിലെ ഭദ്ര ഗൗഡാന കൊപ്പലുവിലാണ് സംഭവം. നഞ്ചൻഗുഡ് താലൂക്കിലെ ഹിബ്ജാല ഗ്രാമവാസിയായ കെമ്പാഷെട്ടി(35) ആണ് കൊല്ലപ്പെട്ടത്. തിങ്കളാഴ്ച രാത്രി ഭാര്യ ശശിരേഖയും ബന്ധുക്കളായ കെന്ദഷെട്ടി, രമേശ്, നാഗേന്ദ്ര എന്നിവരും ചേർന്ന് ഇയാളെ കത്തി കൊണ്ട് കൊലപ്പെടുത്തുകയായിരുന്നു.
12 വർഷങ്ങൾക്ക് മുമ്പ് വിവാഹിതരായ കെമ്പാഷെട്ടിയും ഭാര്യയും തമ്മിൽ വേർപിരിഞ്ഞ് താമസിക്കുകയായിരുന്നു. ഇരുവർക്കും രണ്ട് പെൺമക്കളുണ്ട്. ഇതിനിടെ ഭാര്യയുടെ വീട്ടിൽ വഴക്കുണ്ടാക്കാനെത്തിയപ്പോഴാണ് ശശിരേഖയും ബന്ധുക്കളും ചേർന്ന് കൊലപാതകം നടത്തിയത്.