കൊല്‍ക്കത്ത: ബംഗാളില്‍ രണ്ടാം ഘട്ട നിയമസഭ തെരഞ്ഞെടുപ്പിനോടനുബന്ധിച്ച് നന്ദിഗ്രാമില്‍ നിരോധനാജ്ഞ. മുഖ്യമന്ത്രി മമതാ ബാനര്‍ജിയും, തൃണമൂല്‍ വിട്ട് ബിജെപിയിലെത്തി മുന്‍ മന്ത്രി കൂടിയായ സുവേദു അധികാരിയും ഈ ഘട്ടത്തില്‍ നന്ദിഗ്രാമില്‍ നിന്ന് ജനവിധി തേടും.
ഇരുവരും തമ്മിലുള്ള ശക്തമായ മത്സരത്തിനാണ് രണ്ടാം ഘട്ടം സാക്ഷിയാവുക. അക്രമവും അനിഷ്‌ട സംഭവങ്ങളും ഒഴിവാക്കാനായി തെരഞ്ഞെടുപ്പ് കമ്മിഷന്‍റെ നിര്‍ദേശപ്രകാരമാണ് മാര്‍ച്ച് 30ന് വൈകുന്നേരം 6.30 മുതല്‍ ഏപ്രില്‍ 2 വരെ സെക്ഷന്‍ 144 ഏര്‍പ്പെടുത്തിയിരിക്കുന്നതെന്ന് മെദ്‌നിപൂര്‍ ജില്ലയിലെ ഹാല്‍ദിയ സബ്‌ ഡിവിഷണല്‍ മജിസ്ട്രേറ്റ് അവ്‌നീത് പുനിയ വ്യക്തമാക്കി. നന്ദിഗ്രാമില്‍ ടിഎംസിയെ 50,000 വോട്ടുകളുടെ ഭൂരിപക്ഷത്തില്‍ പരാജയപ്പെടുത്തിയില്ലെങ്കില്‍ രാഷ്‌ട്രീയം ഉപേക്ഷിക്കുമെന്ന് നേരത്തെ ബിജെപി നേതാവ് സുവേദു അധികാരി വ്യക്തമാക്കിയിരിക്കുന്നു.