ജമ്മു കശ്‌മീരിൽ വെടി നിർത്തൽ കരാർ ലംഘനം; രണ്ട് പാകിസ്ഥാൻ സൈനികരെ വധിച്ചു

രജൗരി ജില്ലയിലെ നൗഷേറ സെക്‌ടറിന് സമീപമാണ് സംഭവം.

ശ്രീനഗർ: ജമ്മു കശ്‌മീരിൽ വെടി നിർത്തൽ കരാർ ലംഘനം നടത്തിയ രണ്ട് പാകിസ്ഥാൻ സൈനികരെ ഇന്ത്യൻ സൈന്യം വധിച്ചു. രജൗരി ജില്ലയിലെ നൗഷേറ സെക്‌ടറിന് സമീപം ചെവ്വാഴ്‌ചയാണ് സംഭവം നടന്നതെന്ന് അധികൃതർ അറിയിച്ചു. ജമ്മു കശ്‌മീരിലെ നിയന്ത്രണ രേഖയിൽ വെടിനിർത്തൽ ലംഘനങ്ങളുടെ എണ്ണം വർദ്ധിച്ചതായി ആർമി സ്‌റ്റാഫ് ലഫ്‌റ്റനന്‍റ് ജനറൽ സതീന്ദർ കുമാർ സൈനി ഡിസംബർ 13 ന് പറഞ്ഞിരുന്നു.