ന്യൂഡല്‍ഹി:യുക്രൈനില്‍ റഷ്യന്‍ ആക്രമണങ്ങളും അനിശ്ചിതത്വവും തുടരുന്നതിനിടെ റൊമാനിയയില്‍ നിന്ന് മാര്‍ച്ച് മൂന്ന് വരെ 5,245 ഇന്ത്യൻ പൗരന്മാരെ തിരിച്ചെത്തിച്ചതായി കേന്ദ്ര സര്‍ക്കാര്‍ അറിയിച്ചു. കേന്ദ്രത്തിന്‍റെ നിര്‍ദേശ പ്രകാരം ഇതുവരെ 20,000-ത്തിലധികം ഇന്ത്യക്കാർ യുക്രൈന്‍ വിട്ടു.
ഇനിയും ചിലര്‍ യുക്രൈനില്‍ കുടുങ്ങി കിടക്കുന്നുണ്ട്. ഇവരെ തിരിച്ചെത്തിക്കാനുള്ള ശ്രമങ്ങള്‍ പുരേഗമിക്കുകയാണ്. ഇന്ത്യന്‍ വായുസേനയുടെ സി -17 വിമാനം ഉള്‍പ്പെടെ 16 വിമാനങ്ങള്‍ അടുത്ത 24 മണിക്കൂറിനുള്ളില്‍ വിവിദ കേന്ദ്രങ്ങളില്‍ നിന്നും ഇന്ത്യന്‍ പൗരന്മാരെ തിരികെ എത്തിക്കും. അതിനിടെ യുക്രൈന്‍ സാഹചര്യവും രക്ഷാ പ്രവര്‍ത്തനവും വിലയിരുത്തുന്നതിനായി നരേന്ദ്രമോദിയുടെ നേതൃത്വത്തില്‍ ഇന്ന് യോഗം ചേര്‍ന്നിരുന്നു.