ടോക്കിയോ:പാരാലിമ്പിക്‌സില്‍ ഇന്ത്യ മെഡല്‍ വേട്ട തുടരുന്നു. പാരാലിമ്പിക്‌സ് ചരിത്രത്തില്‍ ബാഡ്‌മിന്‍റണില്‍ ഇന്ത്യ ആദ്യ സ്വർണം നേടി ചരിത്രം കുറിച്ചു. പുരുഷ സിംഗിൾസില്‍ എസ്എല്‍ 3 വിഭാഗത്തിലാണ് ഇന്ത്യൻ താരം പ്രമോദ് ഭഗത് സ്വർണം നേടിയത്. ഇതേയിനത്തില്‍ ഇന്ത്യയുടെ മനോജ് സർക്കാർ വെങ്കലം നേടി.
45 മിനിട്ട് നീണ്ട ഫൈനലില്‍ ബ്രിട്ടീഷ് താരം ഡാനിയേല ബെതലിനെ 21-14, 21-17 സ്കോറിന് പരാജയപ്പെടുത്തിയാണ് പ്രമോദ് സ്വർണം നേടിയത്. ഈ വിഭാഗത്തില്‍ മുപ്പത്തിമൂന്നുകാരനായ പ്രമോദാണ് ലോക ഒന്നാം നമ്പർ താരം.