ചെന്നൈ :നീറ്റ് പരീക്ഷ കഴിഞ്ഞെത്തിയ വിദ്യാര്‍ഥിനി ആത്മഹത്യക്ക് ശ്രമിച്ചു. ഉരപ്പക്കം അയ്യന്‍ച്ചേരി സ്വദേശിയായി അനുശ്യ (17) ആണ് ജീവനൊടുക്കാന്‍ ശ്രമിച്ചത്. കഴിഞ്ഞ ദിവസം നടന്ന പരീക്ഷയില്‍ പങ്കെടുത്ത ശേഷം വീട്ടിലെത്തി കുട്ടി തീക്കൊളുത്തി ആത്മഹത്യക്ക് ശ്രമിക്കുകയായിരുന്നു. പ്ലസ് ടു വിദ്യാര്‍ഥിനിയായ അനുശ്യയുടെ പിതാവ് കമലദളം അധ്യാപകനാണ്.
പിതാവിന്‍റെ സ്കൂളില്‍ തന്നെയാണ് കുട്ടിയും പഠിച്ചിരുന്നത്. ഞായറാഴ്ച നടന്ന നീറ്റ് പരീക്ഷ കഴിഞ്ഞ് തിരിച്ചെത്തിയ കുട്ടി മാതാപിതാക്കള്‍ വീട്ടിലില്ലാത്ത സമയത്ത് സ്വയം തീക്കൊളുത്തുകയായിരുന്നു. ഗുരുതരമായി പൊള്ളലേറ്റ കുട്ടി ചെങ്കല്‍പ്പേട്ട് ഗവ. മെഡിക്കല്‍ കോളജില്‍ ചികിത്സയിലാണ്.