കൊല്ക്കത്ത: ഉത്തര ബംഗാളിനും ജംഗൽമഹലിനും പ്രത്യേക സംസ്ഥാനങ്ങൾ വേണമെന്ന ബിജെപി എംപിമാരുടെ പ്രസ്താവനയ്ക്കെതിരെ നിയമ നടപടിക്കൊരുങ്ങി തൃണമൂല് കോണ്ഗ്രസ്.
എംപിമാരായ ജോൺ ബാർല, സൗമിത്ര ഖാൻ എന്നിവർക്കെതിരെ തൃണമൂൽ കോൺഗ്രസ് യൂത്ത് വിഭാഗം പ്രസിഡന്റ് അലിപൂർദുവർ പ്രസൻജിത് കാർ ചൊവ്വാഴ്ച പൊലീസില് പരാതി നൽകി.
ഉത്തര ബംഗാളിനെ പ്രത്യേക സംസ്ഥാനമോ കേന്ദ്രഭരണ പ്രദേശമോ ആക്കണമെന്ന് അലിപൂർദുവറില് നിന്നുള്ള എംപിയായ ജോൺ ബാർല ആവശ്യപ്പെട്ടിരുന്നു.
ബർദ്വാൻ, അസൻസോൾ, ബൻകുര, പുരുലിയ, ബിഷ്ണുപൂർ, ബിർഭം, ഭാർഗാം, പൂർബ, പാസ്ചിം മെഡിനിപൂർ, ഹൂഗ്ലിയുടെ ചില ഭാഗങ്ങൾ എന്നിവ ഉൾപ്പെടുന്ന റാര് പ്രദേശത്തെ പ്രത്യേക സംസ്ഥാനമാക്കി മാറ്റണമെന്നായിരുന്നു ബിജെപി എംപി സൗമിത്ര ഖാന്റെ ആവശ്യം.