കശ്‌മീരില്‍ വീണ്ടും ഭീകരാക്രമണം, ഒരാള്‍ മരിച്ചു

ഷോപ്പിയാനിലെ ചോട്ടിപോറയിലാണ് ഭീകരര്‍ സാധാരണക്കാര്‍ക്ക് നേരെ ആക്രമണം നടത്തിയത്.

ശ്രീനഗര്‍:ജമ്മു കശ്‌മീരിലെ ഷോപ്പിയാനില്‍ സാധാരണക്കാര്‍ക്ക് നേരെ വീണ്ടും ഭീകരാക്രമണം. ആക്രമണത്തില്‍ ഒരാള്‍ കൊല്ലപ്പെടുകയും ഒരാള്‍ക്ക് പരിക്കേല്‍ക്കുകയും ചെയ്‌തു. ഷോപ്പിയാനിലെ ചോട്ടിപോറ മേഖലയില്‍ ചൊവ്വാഴ്‌ചയാണ്(ഓഗസ്റ്റ് 16) സംഭവം.

പരിക്കേറ്റയാളെ ആശുപത്രിയിലേക്ക് മാറ്റി. മേഖലയില്‍ കനത്ത സുരക്ഷ ഏര്‍പ്പെടുത്തി. മരിച്ചയാള്‍ ന്യൂനപക്ഷ സമുദായത്തില്‍പ്പെട്ട ആളാണെന്ന് പൊലീസ് പറഞ്ഞു.