ഹൈദരാബാദ്:18 വയസ്സിന് മുകളിലുള്ളവർക്ക് വാക്സിനേഷന് നൽകാന്‍ സ്വകാര്യ ആശുപത്രികൾക്ക് അനുമതി നൽകി തെലങ്കാന സർക്കാർ. ഇത് അംഗീകരിച്ചുകൊണ്ടുള്ള ഉത്തരവ് പൊതുജനാരോഗ്യ ഡയറക്ടർ ഡോ. ജി. ശ്രീനിവാസ റാവു ചൊവ്വാഴ്ച പുറപ്പെടുവിച്ചു. എന്നിരുന്നാലും വാക്സിനേഷനായി കൊവിൻ പോർട്ടലിൽ രജിസ്റ്റർ ചെയ്യണം. സ്വകാര്യ കൊവിഡ് വാക്സിനേഷന് കേന്ദ്രങ്ങൾ മാർഗ്ഗനിർദേശങ്ങൾ പാലിക്കണം.
18 നും 44 വയസിനുമിടെ പ്രായമുള്ളവർക്കുള്ള വാക്സിനേഷന് മെയ് 1 ന് രാജ്യത്ത് ആരംഭിച്ചിരുന്നു. എന്നാൽ വാക്സിന്‍റെ ദൗർലഭ്യം മൂലം വാക്സിനേഷന് പ്രക്രിയ തെലങ്കാന സർക്കാർ നിർത്തിവെക്കുകയായിരുന്നു. ഇതിനാൽതന്നെ 45 വയസ്സിന് മുകളിലുള്ള ഗുണഭോക്താക്കൾക്ക് മാത്രമായി വാക്സിനേഷന് പരിമിതപ്പെടുത്തി.