ചെന്നൈ:കടുത്ത സാമ്പത്തിക പ്രതിസന്ധി നേരിടുന്ന ശ്രീലങ്കയിലേക്ക് അവശ്യവസ്‌തുക്കൾ കയറ്റി അയക്കാനൊരുങ്ങി തമിഴ്‌നാട്. ആദ്യ ഘട്ടത്തിൽ 40,000 ടൺ അരിയും 500 ടൺ പാൽപ്പൊടിയും ജീവൻ രക്ഷാ മരുന്നുകളും രാജ്യത്തേക്ക് അയ്ക്കാനാണ് തീരുമാനം. കൂടുതൽ സഹായങ്ങള്‍ എത്തിക്കുന്നതിനായി ജനങ്ങളുടെ സംഭാവനയും മുഖ്യമന്ത്രി എം കെ സ്റ്റാലിൻ അഭ്യർഥിച്ചു.
അതേസമയം ലങ്കൻ ജനതയെ സഹായിക്കുന്നതിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ഡിഎംകെ ഒരു കോടി രൂപ പ്രഖ്യാപിച്ചു. ശ്രീലങ്കയ്ക്കായി 50 ലക്ഷം രൂപ നൽകുമെന്ന് എഐഎഡിഎംകെ നേതാവ് ഒ പനീർശെൽവവും നേരത്തെ പറഞ്ഞിരുന്നു.