ചെന്നൈ: രണ്ട് ദിവസമായി കനത്ത മഴ തുടരുന്ന ചെന്നൈ നഗരത്തിലെ പ്രളയ ബാധിത പ്രദേശങ്ങള്‍ സന്ദര്‍ശിച്ച് തമിഴ്‌നാട് മുഖ്യമന്ത്രി എം.കെ സ്റ്റാലിന്. ദുരിതാശ്വാസ ക്യാമ്പുകളിലെത്തിയ സ്റ്റാലിന് ദുരിതബാധിതര്‍ക്ക് ഭക്ഷണ പൊതികള്‍ വിതരണം ചെയ്‌തു. സ്ഥിതിഗതികള്‍ വിലയിരുത്താന്‍ 15 കോര്‍പ്പറേഷന്‍ സോണുകളില്‍ നോഡല്‍ ഓഫിസര്‍മാരെ നിയമിച്ചിട്ടുണ്ട്.
നിലവില്‍ ഓറഞ്ച് അലര്‍ട്ടാണ് ചെന്നൈയില്‍ പ്രഖ്യാപിച്ചിരിയ്ക്കുന്നത്. ചെന്നൈയ്ക്ക് പുറമേ ചെങ്കല്‍പേട്ട്, കാഞ്ചീപുരം, തിരുവള്ളൂര്‍, വെല്ലൂര്‍ എന്നിവിടങ്ങളിലാണ് ശക്തമായ മഴ ലഭിയ്ക്കുന്നത്. മുന്‍കരുതലിന്‍റെ ഭാഗമായി അപകടസാധ്യതയുള്ള പ്രദേശങ്ങളിൽ അധികൃതർ വൈദ്യുതി ബന്ധം വിച്ഛേദിച്ചു.
പ്രളയബാധിത പ്രദേശങ്ങള്‍ സന്ദര്‍ശിച്ച് എംകെ സ്റ്റാലിന്