മോർബി: മച്ചു നദിക്ക് കുറുകെയുള്ള തൂക്കുപാലം അറ്റകുറ്റ പണികള്‍ക്ക് ശേഷം അഞ്ച് ദിസം മുമ്പ് പൊതുജനങ്ങള്‍ക്കായി തുറന്നു കൊടുത്തത് നഗരസഭയുടെ ഫിറ്റ്നസ് സര്‍ട്ടിഫിക്കറ്റ് ഇല്ലാതെയെന്ന് മോര്‍ബി നഗരസഭ ചീഫ് ഓഫിസര്‍ സന്ദീപ് സിങ് സാല. നവീകരണ പ്രവര്‍ത്തനങ്ങള്‍ക്കായി മാര്‍ച്ചില്‍ അടച്ച പാലം ഒക്‌ടോബര്‍ 26 ഗുജറാത്തി പുതുവത്സര ദിനത്തിലാണ് പൊതുജനങ്ങള്‍ക്കായി തുറന്ന് കൊടുത്തത്. 15 വര്‍ഷത്തേക്ക് പാലത്തിന്‍റെ നവീകരണ ചുമതല ഓരേവ എന്ന കമ്പനിക്കാണ്.
പാലം തകരുന്നതിന്‍റെ സിസിടിവി ദൃശ്യം
ഗാന്ധിനഗറിൽ നിന്ന് 300 കിലോമീറ്റർ അകലെയുള്ള മോർബി നഗരത്തില്‍ ഒരു നൂറ്റാണ്ടിലേറെ പഴക്കമുള്ള പാലം ഞായറാഴ്‌ച (ഒക്‌ടോബര്‍ 30) വൈകുന്നേരം 6.30 ഓടെയാണ് തകര്‍ന്നത്. 140 പേര്‍ അപകത്തില്‍ മരിച്ചു. നവീകരണ പ്രവര്‍ത്തനങ്ങള്‍ കഴിഞ്ഞ് അഞ്ച് ദിവസത്തിനു ശേഷമാണ് പാലം തകര്‍ന്നത്.