ആരാധകര്‍ നാളേറെയായി ആകാംക്ഷയോടെ കാത്തിരിക്കുന്ന ചിത്രമാണ് സൂര്യ (Suriya) നായകനായി എത്തുന്ന 'കങ്കുവ' (Kanguva). പ്രഖ്യാപനം മുതല്‍ പ്രേക്ഷക ശ്രദ്ധ നേടിയ സിനിമയുടെ ഓരോ പുതിയ അപ്‌ഡേറ്റുകളും ആരാധകര്‍ ഏറ്റെടുക്കാറുണ്ട്. ഇപ്പോഴിതാ സിനിമയുമായി ബന്ധപ്പെട്ട് പുതിയൊരു വിവരം പങ്കുവച്ചിരിക്കുകയാണ് നിര്‍മാതാക്കള്‍.
'കങ്കുവ'യുടെ ഗ്ലിംപ്സ് സൂര്യയുടെ ജന്മദിനമായ (Suriya birthday) ജൂലൈ 23ന് പുറത്തുവിടും. ചിത്രത്തിന്‍റെ ഒരു പോസ്‌റ്റര്‍ (Kanguva poster) പങ്കുവച്ച് കൊണ്ടാണ് നിര്‍മാതാക്കള്‍ ഇക്കാര്യം പങ്കുവച്ചിരിക്കുന്നത്. കൈ നിറയെ അടയാളങ്ങളുമായി വാള്‍ പിടിച്ചു നില്‍ക്കുന്നതാണ് പോസ്‌റ്റര്‍. 'ഓരോ മുറിവിനും ഓരോ കഥ, രാജാവ് വരുന്നു. കങ്കുവയുടെ ഗ്ലിംപ്സ് ജൂലൈ 23ന്' -എന്ന് കുറിച്ച് കൊണ്ടാണ് നിര്‍മാതാക്കള്‍ പോസ്‌റ്റര്‍ പങ്കുവച്ചിരിക്കുന്നത്.
മനുഷ്യനും കാടും കഥയും എന്ന് അര്‍ഥം വരുന്ന ദി മാന്‍, ദി വൈല്‍ഡ്, ദി സ്‌റ്റോറി എന്ന ടാഗ്‌ലൈനോടു കൂടിയാണ് പോസ്‌റ്റര്‍ പങ്കുവച്ചിരിക്കുന്നത്. അതേസമയം ജൂലൈ 23ന് 'കങ്കുവ'യുടെ ട്രെയിലറോ ടീസറോ മറ്റ് അണിയറ ദൃശ്യങ്ങളോ ആകാം നിര്‍മാതാക്കള്‍ പുറത്തുവിടുക.
ത്രീഡിയിലും 2 ഡിയിലും ഒരുങ്ങുന്ന ചിത്രം 10 ഭാഷകളില്‍ റിലീസ് ചെയ്യും. രജനീകാന്ത് (Rajinikanth) നായകനായ 'അണ്ണാത്തെ'യുടെ (Annaatthe) സംവിധായകന്‍ സുരത്തൈ ശിവയാണ് Siva കങ്കുവയുടെയും സംവിധാനം. യു.വി ക്രിയേഷന്‍സിന്‍റെ ബാനറില്‍ വംശി പ്രമോദും സ്‌റ്റുഡിയോ ഗ്രീനിന്‍റെ ബാനറില്‍ കെ.ഇ ജ്ഞാനവേല്‍ രാജയും ചേര്‍ന്നാണ് സിനിമയുടെ നിര്‍മാണം. സിനിമയുടെ ഒടിടി റൈറ്റ്‌സ്‌ ആമസോണ്‍ പ്രൈം വീഡിയോയാണ് Amazon Prime Video സ്വന്തമാക്കിയിരിക്കുന്നത്.
Also Read:സൂര്യ നായകനാകുന്ന ബയോപിക്കിന് പൃഥ്വിരാജ് സംവിധായകനാകുന്നു?