ശ്രീനഗർ : ശ്രീനഗറിലെ ബെമിന മേഖലയിൽ നടന്ന ഏറ്റുമുട്ടലിൽ രണ്ട് ലഷ്‌കറെ ത്വയ്ബ (എൽഇടി) തീവ്രവാദികളെ വധിച്ച് ജമ്മു കശ്‌മീർ പൊലീസ്. ചൊവ്വാഴ്‌ച പുലര്‍ച്ചെയായിരുന്നു ഏറ്റുമുട്ടല്‍.ഒരു പൊലീസ് ഉദ്യോഗസ്ഥന് പരിക്കേറ്റിട്ടുണ്ട്.
അബ്‌ദുള്ള ഗൗജ്രി, ആദിൽ ഹുസൈൻ മിർ (സുഫിയാൻ മുസാബ്) എന്നീ ഭീകരരാണ് കൊല്ലപ്പെട്ടത്. ഭീകരരെ വധിച്ച സംഭവത്തെ കുറിച്ച് കശ്‌മീർ സോൺ പൊലീസ് ട്വീറ്റ് ചെയ്യുകയായിരുന്നു. സോപോർ ഏറ്റുമുട്ടലിൽ നിന്ന് രക്ഷപ്പെട്ട തീവ്രവാദി സംഘം തന്നെയായിരുന്നു ഇത്.